Hukumat noturar va turar joylar ijarasi minimal stavkalarini saqlab qoldi

O‘zbekiston hukumati 2018-yilda noturar va turar joylarni jismoniy shaxslarga ijaraga berishning ijara to‘lovi tayanch miqdorlarini saqlab qoldi. Bu haqda UzDaily xabar bermoqda.

Ijara to‘lovi tayanch miqdorlari O‘zbekiston Prezidentining “O‘zbekiston Respublikasining 2018-yilgi asosiy makroiqtisodiy ko‘rsatkichlari prognozi va Davlat budjeti parametrlari to‘g‘risida”gi qarori bilan belgilangan edi.

2018-yilda noturar joylar ijarasi bir oylik minimal stavkasi 1 kvadrat metr uchun Toshkent shahrida 9 ming so‘m, Nukus shahri va viloyatlar bo‘ysinuvidagi shaharlarda 6 ming so‘m hamda boshqa aholi punktlarida 3 ming so‘mdir.

Turar joylar ijarasi uchun bir oylik minimal arenda stavkasi 1 kvadrat metr uchun Toshkent shahrida 4,5 ming so‘m, Nukus shahri va viloyatlar bo‘ysinuvidagi shaharlarda 3 ming so‘m hamda boshqa aholi punktlarida 1,5 ming so‘mni tashkil etadi.