Londonda Yangi yil bayramida to‘rt kishi pichoqlab o‘ldirildi

Oxirgi sutka mobaynida Birlashgan Qirollik poytaxti Londonda to‘rt kishi pichoqdan olingan jarohat tufayli olamdan o‘tdi. Bu haqda, Skotlend-Yard matbuot xizmatiga asoslanib, “TASS” xabar bermoqda.

Aytilishicha, 31-dekabr kuni Britaniya poytaxtida bir-biri bilan bog‘liq bo‘lmagan uchta jinoyat sodir bo‘ldi. Yangi yilning birinchi kunida esa to‘rtinchi jinoyat sodir etilib, unda ikki kishi pichoq jarohati olgan, ulardan biri halok bo‘lgan, ikkinchisi og‘ir ahvolda shifoxonaga yetkazilgan.

Detektivlar to‘rt qotillikni tergov qilishga kirishib ketdi.

Jinoyatlardan birining tergovi doirasida besh nafar gumondor ushlandi.