Binyamin Netanyaxu: Tuzum qulagach, eronliklar va isroilliklar yana qalin do‘stga aylanadi

Isroil bosh vaziri Binyamin Netanyaxu Erondagi ommaviy noroziliklarni qo‘llab-quvvatladi. Bu haqda “Gazeta.ru” xabar bermoqda.

“Bu tuzum o‘rtamizda nafrat urug‘ini sochishga zo‘r berib chiranmoqda. Biroq ularning qo‘lidan bu kelmaydi. Bir kun kelib tuzum qulagach, eronliklar va isroilliklar yana qalin do‘stga aylanadi”, — dedi Netanyaxu Twitter’da joylashtirilgan videomurojaatida.

U Eron xalqiga “ozodlik uchun mardonavor kurashlarida” muvaffaqiyat tiladi. Shuningdek, Isroilning mamlakatdagi noroziliklarning ortida turganligi haqidagi ayblovlarni “kulgili bo‘hton” ekanligini ta’kidladi.