1-yanvar kuni Samarqandda sodir bo‘lgan YTHda Lacetti avtomobili yonib ketdi

2018-yilning 1-yanvar kuni soat 07:45 da Samarqand viloyati Favqulodda vaziyatlar boshqarmasi tezkor navbatchisiga Samarqand shahri Gagarin ko‘chasida Nexia va Lacetti avtomobillari ishtirokida yo‘l-transport hodisasi sodir bo‘lganligi to‘g‘risida xabar kelib tushgan, deya ma’lum qiladi FVV matbuot xizmati.

Yo‘l-transport hodisasi natijasida, Lacetti avtomobilida yong‘in sodir bo‘lgan, Nexia avtomobili salonida esa haydovchi qisilib qolgan.

Voqea joyiga yetib borgan qutqaruvchilar maxsus qutqaruv vositalari yordamida zudlik bilan Nexia salonidan qisilib qolgan fuqaroni chiqarib olib, xavfsiz joyga o‘tkazdi va tibbiyot xodimlariga topshirdi.