AQShda rus ayol adashib sotib olingan lotereya chiptasidan 5 mln dollar yutib oldi

AQShning Nyu-Jersi shtatida yashovchi 46 yoshli Oksana Zaxarova ismli rus ayol tasodifan sotib olingan lotereyadan 5 million dollar yutib oldi, deb yozadi Forum Daily.

Ayol 1 dollarlik lotereya chiptasini sotib olmoqchi bo‘lgan, ammo unga adashib, 10 dollar turadigan boshqa, Set for Life chiptasini berishgan.

Uyda esa lotereya bir necha hafta davomida himoya qatlami o‘chirilmasdan, chang bosib yotgan. Hattoki, ayol yutuqli raqamlarni ko‘rganidan keyin ham, o‘z omadiga ishona olmagan.

“Chipta soxta, deb ishongan edim. Faqatgina lotereya ofisiga kelibgina, haqiqatan ham yutuq chiqqaniga ishondim”, — dedi ayol.