Niderlandiyada noma’lum shaxslar politsiyachilarga qarata o‘q uzdi

4-yanvar kuni kechqurun Niderlandiyaning Dordrext shahri yaqinida Belgiyada ro‘yxatga olingan avtomobildagi noma’lum shaxslar politsiyachilarga qarata o‘t ochdi, deb xabar beradi “Interfaks”.

Hodisa Antverpenni Rotterdam bilan bog‘lovchi A16 avtomagistralida yuz berdi.

Niderlandiya politsiyasining ma’lumotlariga ko‘ra, kuzatuvlardan so‘ng avtomobil to‘xtatib ushlangan. To‘rt kishi qo‘lga olingan, biroq ularning shaxsi hozircha oshkor etilmayapti.

Dordrext shahri hududidagi avtomagistral 4-yanvar kuni yopib qo‘yilgani bois bir necha kilometrga cho‘zilgan tirbandliklar yuzaga keldi.