Saudiya Arabistoni Yamandan uchirilgan raketani to‘xtatib qoldi

Saudiya Arabistoni boshchiligidagi arab koalitsiyasi Yaman chegarasi yaqinida ballistik raketanig muvaffaqiyatli to‘xtatib qolinganini ma’lum qildi, deb xabar beradi “Interfaks”.

Avvalroq isyonchi-xusiylar Saudiyaning janubi-sharqida joylashgan Najran viloyati raketalar yordamida o‘qqa tutilishi boshlangani haqida ma’lum qilgan edi.

O‘tgan yilning 25-dekabr kuni xusiylar Yaman poytaxti Sano yaqinidagi istehkomidan jangovar raketani muvaffaqiyatsiz uchirgan edi.

19-dekabr kuni Saudiya Arabistoni boshchiligidagi arab koalitsiyasi Yaman tomondan ar-Riyodga uchirilgan ballistik raketaning muvaffaqiyatli ravishda to‘xtatib qolinganini ma’lum qilgan edi.

Bundan tashqari, 4-noyabr kuni Yaman hududidan ar-Riyod aeroporti tomonga uchirilgan raketa ham to‘xtatib qolingan edi.