Qit’a chempionati boshlandi. O‘zbekiston bilan o‘yin oldidan Xitoy termasi Ummon darvozasiga 3 ta gol urdi

23 yoshgacha bo‘lgan futbolchilar o‘rtasidagi Osiyo Chempionati mezbon Xitoyning Ummonga qarshi o‘yini bilan start oldi.

Bellashuvda mezbonlar yirik — 3:0 hisobida zafar quchdi. Mazkur jamoaga Xitoydagi faoliyati davomida Marchello Lippiga ko‘maklashib kelayotgan Massimiliano Maddolini boshchilik qiladi.

Xitoy terma jamoasi guruhdagi ikkinchi uchrashuvni 12-yanvar kuni Ravshan Haydarov boshqaruvidagi O‘zbekiston terma jamoasiga qarshi o‘tkazadi. Bugun mag‘lub bo‘lgan Ummon esa Qatar bilan raqobat hosil qiladi.

Osiyo Chempionati U23

“A” guruhi. 1-tur

9-yanvar, seshanba

Gollar: Liyu Yang, 30 (1:0). Ksiaoming Li, 34 (2:0). Shixao Vey, 53 (3:0).