Jeff Bezos muhojirlar stipendiyasi uchun 33 mln dollar xayriya qildi

Amazon asoschisi Jeff Bezos AQShda yashayotgan noqonuniy muhojirlarga stipendiya ta’sis etish uchun 33 million dollar ajratdi. Bu haqda Forbes xabar berdi.

Mablag‘ muhojir talabalarga moliyaviy yordam ko‘rsatuvchi TheDream.US notijorat tashkilotiga o‘tkazilgan. Tashkilot har bir talabaga o‘qish xarajatlarini qoplash uchun to‘rt yilga mo‘ljallangan 33 ming dollar miqdoridagi stipendiya ajratadi.