Afg‘onistonning Qunduz viloyatida tojik jangarilari qo‘mondoni yo‘q qilindi

Afg‘oniston shimoli-sharqidagi Qunduz viloyatida maxsus operatsiya davomida tojik jangarilari qo‘mondoni yo‘q qilindi. Bu haqda “Interfaks” xabar bermoqda. 

Harbiylarga ko‘ra, viloyatning Tojikiston bilan chegaradosh Dashti-Archi tumanida toliblarning mahalliy yetakchisi Qori Husayn va uning qo‘l ostidagi 15 nafar jangari o‘ldirildi. 10 nafariga jarohat yetkazildi. 

Jangarilardan ko‘plab qurol-yarog‘ va o‘q-dori musodara qilingani bildirilmoqda.