Tramp prezidentlik lavozimidagi birinchi yili yakunlarini chiqardi

AQSh prezidenti Donald Tramp prezidentlik lavozimidagi birinchi yili muvaffaqiyatlarini qisqacha keltirib o‘tdi. Bu haqda u Twitter’dagi sahifasida ma’lum qildi, deb yozadi “Gazeta.ru”.

“Saylovlardan buyon ko‘plab sohalarda mamlakatimiz uchun mislsiz muvaffaqiyat”, — deb yozdi Tramp.

Prezident Tramp, o‘z muvaffaqiyatlari qatoriga, jumladan, fond bozorlaridagi rekordlar, armiyaning kuchayishi, jinoyatchilik va chegaralardagi nazorat, shuningdek, IShID terrorchilari bilan kurashdagi muvaffaqiyatlarni kiritdi.

“Ayollar orasida va umuman ishsizlikning eng past darajasi, soliqlarning keng ko‘lamda pasaytirilishi, majburiy tibbiy sug‘urtaning nihoyasi — va boshqalar”, — qo‘shimcha qiladi prezident.