Janubga qochib o‘tgan Shimoliy koreyalik askar vatanida qotillik sodir etganini tan oldi

2017-yilning noyabr oyi oxirida KXDR va Janubiy Koreya o‘rtasidagi chegara chizig‘ini kesib o‘tishga erishgan Koreya xalq armiyasi harbiy xizmatchisi jinoyatchi bo‘lishi mumkin. Bu haqda Janubiy Koreya OAVlari ma’lum qildi, deb yozadi “Interfaks”.

Harbiy xizmatchi tergov davomida KXDR hududida bir qator jinoyatlar, jumladan, qotillik sodir etganligini tan olgan.

Rasmiylar va tergov vakillari askarni so‘roq qilish yakunlanmaganligini ta’kidlab, mazkur ma’lumotga izoh berishdan bosh tortgan.