Tojikiston Favqulodda vaziyatlar qo‘mitasi Aqto‘bedagi fojia munosabati bilan hamdardlik bildirdi

Tojikiston Favqulodda vaziyatlar qo‘mitasi raisi Rustam Nazarzoda Qozog‘iston hududidan o‘tuvchi “Samara-Chimkent” avtoyo‘lida yo‘lovchi avtobusida yong‘in sodir bo‘lishi natijasida O‘zbekiston fuqarolarining halok bo‘lgani munosabati bilan chuqur hamdardlik bildirdi. Bu haqda O‘zA xabar bermoqda.

Tojikiston Favqulodda vaziyatlar qo‘mitasi raisining bergan axborotida “Ushbu fojea qurbonlarining oilalariga, qarindoshlariga va yaqinlariga chuqur hamdardlik bildiramiz, jabrlanganlarga esa tezroq sog‘ayib ketishlarini tilaymiz. Yana bir bor hamdardlik va ta’ziya izhor qilamiz” deb bayon qilingan.