Indiana Open’ga jo‘nab ketgan o‘zbekistonlik 10 bokschidan 9 nafari chorak finalga yo‘l oldi

WSB musobaqasiga tayyorgarlik ko‘rayotgan o‘zbekistonlik bokschilar Hindiston mezbonlik qilayotgan Indian Open turnirida ishtirok etish uchun jo‘nab ketgandi.

O‘zbekiston boks federatsiyasining “Daryo”ga ma’lum qilishicha, 49 kilogrammgacha bo‘lgan vazn toifasida ringga chiqqan Mironshoh Ibragimov filippinlik Makodo Rameldan yengilgan. O‘zbekistonlik qolgan barcha charm qo‘lqop ustalari chorak finalda ringga chiqish imkoniyatini qo‘lga kiritgan.

Indiana Open turnirida 22 mamlakatdan 137 nafar bokschi chempionlik uchun kurash olib bormoqda. Qizlar o‘rtasidagi turnirda ishtirok etish uchun esa 87 nafar bokschi tashrif buyurgan.