Xerox Fujifilm tarkibiga kiradi

Xerox (AQSh) Yaponiyaning Fujifilm kompaniyasi bilan qo‘shma korxona — Fuji Xerox tarkibiga kiradi. Bu haqda “Vedomosti” xabar bermoqda.

Xerox aksiyadorlari maxsus dividendlar tariqasida jami 2,5 milliard dollar oladi. Shuningdek, Fuji Xerox aksiyalarining 49,9 foizi egasi bo‘lib qoladi.

Ikki kompaniyaning direktorlar kengashi kelishuvni ma’qulladi. Xerox bosh direktori Jeff Jeykobson Fuji Xerox kompaniyasiga boshchilik qiladi.

Kelishuv yopilganidan so‘ng qo‘shma korxonaning 20 foiz xodimi yoki 10 ming kishi ishdan bo‘shatilishi kutilmoqda.