Qirg‘izistonda 4,2 magnitudali zilzila qayd etildi

4-fevral, yakshanba kuni Qirg‘iziston hududida 4,2 magnitudali zilzila qayd etildi. Bu haqda Qozog‘iston ta’lim va fan vazirligi seysmologiya ekspeditsiyasi ma’lum qildi, deb xabar beradi “Izvestiya”.

“Zilzila epimarkazi Olmaotadan 586 kilometr janubi-g‘arbda, Qirg‘iziston hududida bo‘lgan. Yer osti silkinishi o‘chog‘i 5 kilometr chuqurlikda joylashgan”, — deyiladi ekspeditsiya xabarida.

Jabrlanganlar va vayronagarchiliklar haqida xabar berilmadi.

Ma’lumot uchun, Qirg‘izistonda bundan oldin 3,5 ballgacha bo‘lgan bir yo‘la 3 zilzila ro‘y bergandi.