Britaniyalik shifokorlar 3D-printerda bemorga ko‘krak to‘qimasini chop etdi
Britaniyaning Suonsi shahridagi Morrison shifoxonasi xodimlari 3D-printer yordamida bemorga ko‘krak to‘qimasini chop etdi. Bu haqda ABMU Health Board xabar bermoqda.
Saraton o‘simtasi tufayli 71 yoshli Piter Meggzning uchta qovurg‘asi va ko‘krak suyagining yarmi olib tashlandi.
Odatda bunday hollarda jarrohlar tibbiy sementdan foydalanib, protez yasar edi. Biroq 3D-chop etish texnologiyasi titan moddasidan implant tayyorlash va operatsiya vaqtini ikki soatga qisqartirish imkonini berdi. Protez tayyorlashda Meggz ko‘krak to‘qimasining kompyuter tamografiyasidan foydalanildi. Bu holat Britaniyada birinchilardan bo‘lib amaliyotga tatbiq etildi.
Operatsiya sakkiz soat davom etgan. Shifokorlarning so‘zlariga ko‘ra, implant bemorning organizmiga yaxshi joylashgan. Ular kelgusida ham mazkur protezlardan foydalanishni rejalashtirmoqda.
Manba: Daryo.uz
ОПРОС
32)
(
0)
(
30)
(
2)
