Nazarboyev lotin yozuvi asosidagi yangi qozoq alifbosini tasdiqladi

Qozog‘iston prezidenti Nursulton Nazarboyev qozoq alifbosini kirill yozuvidan lotin yozuviga o‘tkazish haqidagi farmonga o‘zgartirishlar kiritdi, deb yozadi “Korrespondent.net” davlat rahbari saytiga tayanib.

Farmonning yangi tahririda apostroflar soni qisqartirildi, shuningdek, ikkita diagraf (sh, ch) kiritildi.

Prezident  tomonidan tasdiqlangan yangi alifboga jami 32 ta harf kirdi. Kirill yozuvi asosidagi qozoq alifbosida esa 42 ta harf bor.

Nazarboyev qozoq tili alifbosini 2025-yilgacha bosqichma-bosqich tarzda lotin yozuviga o‘tkazish haqidagi farmonni 2017-yil oktabrida imzolagan edi.