Buxoroda ilk elektromobillar ishga tushirildi

Buxoroda ilk ikkita elektromobil olib kelindi va ishga tushirildi, yaqin vaqt ichida yana o‘n dona xarid qilish rejalashtirilmoqda, deb yozadi “Narodnoye slovo”.

Ular eski shaharning yengil avtomobilda harakatlanish taqiqlangan qismlarida piyoda sayrlarning qulay muqobili bo‘ladi. Eng qiziqarli obyektlardan o‘tuvchi sayyohlik yo‘nalishi tashkil etildi. U Labi Hovuzdan boshlanib, Toqi Sarafon, Toqi Zargaron va Poyi Kalon majmualaridan o‘tadi va Ark qal’asida yakunlanadi.

Bu kabi loyihalar Samarqand va Shahrisabzda muvaffaqiyatli ishga tushirilgan va amal qilmoqda.