Bill Geyts “Yirik portlash nazariyasi” filmida rol ijro etadi

Microsoft kompaniyasi asoschilaridan biri, milliarder Bill Geyts “Yirik portlash nazariyasi” serialida rol ijro etadi, deb xabar beradi “Gazeta.ru”.

U serialda maxsus taklif etilgan yulduz sifatida chiqish qiladi. Serialning u ishtirok etgan epizodi taqdimoti mart oyida bo‘lib o‘tadi.

Geyts filmlarda ilk marta suratga tushayotgani yo‘q. 2001-yilda u “Freyzer” sitkomida o‘zini talqin etgan edi.

Hozirda CBS telekanalida “Yirik portlash nazariyasi” serialining 11-mavsumi namoyish etilmoqda.