Qiziquvchan akula yo‘lida uchragan sayyohni urib ketdi

Tunets baliqlarini quvib yurgan akula uning yo‘lidan chiqib qolgan erkakning oyog‘idan urib ketdi. Hodisa Avstraliyaning Kayama shahri plyajida yuz bergan. Bu haqda Daily Mail xabar berdi.

35 yoshli rassom Adam Xoar kam suvli joyda olti yoshli o‘g‘li bilan cho‘milayotgan edi. U kichkina tunetslar ortidan quvib yurgan yirik tunetsni ko‘rib qolgan va bolalarini qirg‘oqqa olib chiqib qo‘ygan. Shundan keyin yana suvga qaytgan. Besh daqiqadan so‘ng Xoar chap oyog‘ida kuchli og‘riqni sezgan.

Zarba shunchalik kuchli bo‘lganki, erkak muvozanatini yo‘qotib akulaning ustiga yiqilgan. Yirtqich unga parvo qilmagan va suzib ketgan.

Rassom mustaqil ravishda qirg‘oqqa chiqqan va kasalxonaga borgan. Unga birinchi yordam ko‘rsatilgan.