Telegram o‘z kriptovalyutasining ikkinchi yopiq savdosini o‘tkazadi

Telegram messenjeri ommaviy ICO o‘tkazishdan oldin o‘z kriptovalyutasining ikkinchi yopiq savdosini o‘tkazadi. Bu haqda 21-fevral kuni The Verge internet-portali ma’lum qildi, deb yozadi “TASS”.

Mazkur haftada Telegram vakillari bir qator investorlarga navbatdagi maxfiy dastlabki savdolar boshlanishi haqidagi xabarlarni tarqatdi. Telegram bu safar qancha daromad olishni mo‘ljallayotganligi noma’lum.

The Verge’ning ma’lum qilishicha, kompaniya birinchi dastlabki savdo yakunlaridagi kabi, ya’ni 850 million dollarga yaqin summa jalb qilishga umid qilmoqda. Shu tariqa, daromadning umumiy summasi 1,6 milliard dollardan oshishi mumkin.