AQSh yadro zaryadli qanotli raketalardan voz kechish shartlarini ma’lum qildi

Rossiya o‘rta va kichik masofaga parvoz qiluvchi raketalarni yo‘q qilish haqidagi kelishuv shartlariga rioya etgan taqdirda, AQSh yadro zaryadli qanotli raketalarini joylashtirishdan voz kechadi. Bu haqda mudofaa vazirligining yadro va raketa mudofaa siyosati masalalari bo‘yicha vazir yordamchisining o‘rinbosari Robert Sufer ma’lum qildi, deb yozadi “Gazeta.ru”.

“Rossiya o‘rta va kichik masofaga parvoz qiluvchi raketalarni yo‘q qilish haqidagi kelishuvga yana rioya eta boshlasa, taktik yadro qurolini qisqartirish bo‘yicha muzokaralar yuritishni boshlasa, xalqaro maydondagi tajovuzkor geosiyosiy atvorini o‘zgartirsa, dengizga joylashtiriladigan qanotli raketalar haqida gaplashishimiz mumkin, ularni joylashtirish shart bo‘lmaydi”, — deydi Sufer Vashingtonda bo‘lib o‘tgan sammitdagi chiqishida.