“Qora pantera” filmi kinoprokatda 700 mln dollardan ortiq pul ishladi

Marvel studiyasining “Qora pantera” (Black Panther) kinokomiksi ikkinchi hafta ham Amerika kinoprokatida birinchi o‘rinni egallamoqda, deb yozadi “Korrespondent.net”. Ikkinchi uik-end davomida u 108 million dollardan ortiq pul ishladi.

O‘n kun ichida “Qora pantera” Shimoliy Amerikada 400 million dollar to‘pladi, kinokomiskning butun dunyo bo‘yicha yig‘imlari hozir 704 million dollarga teng.

Ikkinchi uik-enddagi yig‘imlar bo‘yicha kartina tarixda ikkinchi o‘rinni egalladi, ushbu reytingda birinchi o‘rin esa “Yulduzlar jangi: Kuchning uyg‘onishi” blokbasteriga tegishli (149 million dollar).

Ikkinchi o‘rinni “Tungi o‘yinlar” (Game Night) egalladi, 37 million dollar budjetga ega film dam olish kunlarida 16,6 million dollar ishladi.

Amerika boks-ofisida uchinchi o‘rinda — “Quyon Piter” (Peter Rabbit). Budjeti 50 million dollar bo‘lgani holda, uch haftada 71,2 million dollar ishlab topdi.