Saudiyalik ayollarga armiyada xizmat qilish ruxsat etildi

Saudiya Arabistonida ayollarga armiyada xizmat qilish ruxsat etildi. Bu haqda Khaleej Times nashri xabar berdi.

Endilikda ar-Riyod, Madina va al-Qosim shaharlarida ayollar qirollik qurolli kuchlarida xavfsizlikni ta’minlash bilan bog‘liq ishlarga kira oladi. Ishga nomzodlarga 12 ta talab qo‘yiladi. Jumladan, ayollar 25–35 yosh orasida bo‘lishi, tugallangan o‘rta ma’lumotga ega bo‘lishi lozim.

Bundan tashqari, nomzod ayolga vasiy erkak — eri, otasi, akasi yoki o‘g‘li bo‘lishi, ular ayol ishlaydigan viloyatda yashashi talab etiladi.