Xorijiy OAV vakillari uchun iyun oyida Orol dengiziga mediatur uyushtiriladi

Joriy yil 5—8-iyun kunlari xalqaro ekologik forum doirasida xorijiy OAV vakillari uchun Orol dengiziga mediatur tashkil qilish rejalashtirilmoqda. Bu haqda Markaziy Osiyo mintaqaviy ekologik markazi o‘tkazgan brifingda ma’lum qilindi, deb xabar beradi O‘zA.

“Markaziy Osiyoda atrof-muhit va barqaror rivojlanish sohasida hamkorlikni mustahkamlash” mavzusida bo‘lib o‘tadigan forumda qayta tiklanadigan energiya manbalari va energiya samaradorligi, qattiq maishiy chiqindilarni boshqarish, biologik xilma-xillikni saqlash va muhofaza etiladigan tabiiy hududlar tizimini kengaytirish bilan bog‘liq masalalar muhokama qilinadi.

Tadbirda ko‘plab davlatlarning atrof-muhitni muhofaza qilish va suv xo‘jaligi bo‘yicha davlat organlari rahbarlari, yetakchi xalqaro tashkilotlar, moliya institutlari vakillari ishtirok etishi rejalashtirilgan.