Kaliforniyada haydovchisiz avtomobillarni sinab ko‘rishga ruxsat berildi

Kaliforniya hukumati shtatdagi yo‘llarda haydovchisiz avtomobillarni sinab ko‘rishga ruxsat berdi. Avtotransport departamenti tomonidan ishlab chiqilgan yangi qoidalar rulsiz, pedalsiz va yon oynalarsiz bo‘lgan avtomobillarni ko‘chalarga olib chiqishga imkon beradi. Bu haqda “Motor” xabar berdi.

Yangi qoidalar joriy yilning 2-aprelidan kuchga kiradi. Shu paytdan boshlab kompaniyalar uch turdagi ruxsatnoma uchun ariza berishi mumkin bo‘ladi. Bugungi kunda Kaliforniyada bunday sinovlar bilan 50 dan ortiq kompaniya shug‘ullanadi, shtatning yo‘llarida jami 300 ta mustaqil avtomobil harakat qiladi.