Tramp 2020-yilgi saylov kampaniyasi rahbarini tayinladi

AQSh prezidenti Donald Tramp 2020-yilgi saylovlarga tayyorgarlik doirasida raqamli texnologiyalar bo‘yicha sobiq maslahatchi Bred Parskeylni saylovoldi shtabi rahbari etib tayinladi, deb yozadi “Korrespondent.net”.

Parskeyl — prezidentning kuyovi va bosh maslahatchisi Jared Kushnerning konsultanti va safdoshi. Bungacha u Trump Organization’da ishlagan, 2016-yilda Trampning saylovoldi kampaniyasi doirasida internet-operatsiyalar bo‘limini boshqargan.