JARdagi avtomobillar turargohida sher 23 yoshli qizni g‘ajib tashladi

JAR poytaxti Pretoriya yaqinidagi qo‘riqxona avtomobillar turargohida qoldirilgan mashinasi tomon borayotgan 23 yoshli qizni sher g‘ajib tashladi. Bu haqda DPA agentligiga tayanib, “TASS” xabar bermoqda.

Hodisa poytaxtdan 30 kilometr masofada joylashgan Kullinan aholi punktida yuz bergan.

Huquqni muhofaza qilish organlarining ta’kidlashicha, JARda bu kabi holatlar kamdan-kam yuz beradi. Odatda yirtqichlar tahdidni his qilgan vaziyatlardagina odamlarga hujum qiladi.