Uzoq cho‘zilgan qishning foydasi: Amsterdamda va nihoyat kanallar muzladi. Endi ularning ustida konki uchishmoqda

Yevropada mart oyining boshi uchun noodatiy tarzda nisbatan sovuq havo kuzatilayotgani sabab, Amsterdam kanallari muzladi (so‘nggi olti yilda birinchi marta!). Endi gollandlar o‘zlarining eng sevimli qishki mashg‘ulotlari bilan band — muzlagan kanal uzra konki uchishmoqda, deb yozadi Meduza.

Fevral oyi o‘rtalarida The Economist jurnali global iqlim o‘zgarishi sovuq kunlarning kamayishiga, oqibatda konki uchadigan gollandlar soni yildan yilga kamayib ketayotgani haqida yozgandi. Xususan, 2014-yili Amsterdamdagi kuzatuvlar tarixida ilk bor havo harorati 0 darajadan past bo‘lgan birorta ham kun qayd etilmadi. Bundan tashqari, Frislandiyadagi 200 metrlik konki marafoni — Elfstedentocht salkam 20 yildan beri o‘tkazilmayapti.

A rare sight today: people ice skating on the canals of Amsterdam today! ??

A post shared by Gosse Bouma (@gosse_bouma) on Mar 2, 2018 at 10:22am PST