Qozog‘iston Yadro qurolini taqiqlash to‘g‘risidagi shartnomani imzoladi

Qozog‘iston Yadro qurolini taqiqlash to‘g‘risidagi shartnomaga qo‘shildi, deb yozadi “Kommersant” respublika tashqi ishlar vazirligiga tayanib. Hujjat Qozog‘istonning BMTdagi vakili Kayrat Umarov tomonidan rasmiy marosimda imzolandi.

Vazirlikda ta’kidlashlaricha, shartnomaning asosiy qoidalari “dunyoda to‘rtinchi o‘rindagi yadroviy arsenal sohibidan yadroviy qurolsizlanish va yadro quroli tarqatmaslik sohasidagi yetakchi mamlakatgacha bo‘lgan katta yo‘lni bosib o‘tgan” Qozog‘istonning prinsipial pozitsiyasiga javob beradi.

Bungacha 2017-yil 7-iyul kuni qabul qilingan shartnomani 56 ta mamlakat imzolagan, beshtasi ratifikatsiya qilgan edi.