Qirg‘izistonning O‘zbekistondagi elchisi Bishkekda mas’ul lavozimga tayinlandi

Qirg‘izistonning O‘zbekistondagi elchisi Doniyor Siddiqov Qirg‘iziston prezidenti apparati tashqi siyosat bo‘limi boshlig‘i etib tayinlandi. Bu haqda Sputnik xabar berdi.

Bu vazifada ishlagan Oyzoda Subakojoyeva ShHT (Shanxay hamkorlik tashkiloti) bosh kotibi o‘rinbosari lavozimini egalladi.

Doniyor Siddiqov 2016-yil iyulidan beri Qirg‘izistonning O‘zbekistondagi elchisi lavozimida ishlab kelayotgandi. Bundan oldin u mamlakat tashqi ishlar vazirligida ishlagan.