Avstraliyada xususiy maktabning 400 dan ortiq o‘quvchi va o‘qituvchisi yangi virusni yuqtirib oldi

Sautportdagi (Avstraliya) xususiy maktabning 400 dan ortiq o‘quvchi va o‘qituvchisi yangi virusni yuqtirib olganligi sababli yopiladi. Bu haqda 6-mart kuni Nine News telekanali ma’lum qildi, deb yozadi “TASS”.

“O‘tgan oyda avj olgan yangi virus sababli maktab 23-mart kuni virusga qarshi puxta va to‘liq tozalash uchun uch kunga yopiladi”, — deydi sog‘liqni saqlash mahalliy departamenti mansabdori Pol van Buynder.

Yangi virus qayt qilish, ich ketishi, tana haroratining ko‘tarilishi kabi belgilar bilan xarakterlanadi. Infeksiyaning yuzaga kelish sababi — meva va sabzavotlarga ishlov berish, idishlarni yuvish qoidalarining buzilishi, mahsulotlarni tayyorlash texnologiyalari, oshpazlar tomonidan shaxsiy gigiyena talablariga rioya etmaslikdir.