Namanganda urush faxriysiga Prezident sovg‘asi — Matiz topshirildi. Uning nabirasi esa “Do‘stlik” ordeni bilan taqdirlandi

Namangan shahrida yashovchi ikkinchi jahon urushi qatnashchisi Sergey Kryukovga Prezident sovg‘asi — Matiz avtomobili topshirildi. Bu haqda viloyat hokimi Xayrullo Bozorov Facebook’dagi sahifasida ma’lum qildi.

Sergey Aleksandrovichning nabirasi Antonina Iplina — O‘zbekiston Yozuvchilar uyushmasi a’zosi. O‘zi ijod qilish bilan birga o‘zbek shoirlarining she’rlarini ingliz tiliga tarjima ham qiladi.

Antonina Xalqaro xotin-qizlar bayrami munosabati bilan davlat rahbari farmoniga muvofiq “Do‘stlik” ordeni bilan taqdirlandi.