Rossiyada yosh bolaga qo‘pollik qilgan dog‘istonlik politsiyachi hayfsan oldi

Rossiyaning Dog‘iston Respublikasida politsiyachining yosh bolani urayotgani aks etgan video ijtimoiy tarmoqlarda tarqalgach, mamlakat Ichki ishlar vazirligi xizmat tekshiruvini o‘tkazdi. Politsiyachiga nisbatan hayfsan e’lon qilingan. Bu haqda “RIA Novosti” xabar berdi.

Videoda politsiyachi kiyimidagi erkak yosh bolani urgan va uni mashina ichiga surgan. Videodan ayon bo‘ladiki, uch nafar voyaga yetmagan bola yo‘lning qatnov qismida turganida, ularga yengil avtomobil yaqinlashgan. Avtomobil yo‘lovchisi va o‘smirlar o‘rtasida tortishuv kelib chiqqan, keyin esa mashinadan politsiyachi tushib, o‘smirlardan birini mashinaga chiqarishga uringan, biroq keyin qo‘yib yuborgan.