Sodiq Safoyev boshchiligidagi delegatsiya Rossiya prezidenti saylovida xalqaro kuzatuvchilar sifatida ishtirok etadi

Oliy Majlisi Senati raisining birinchi o‘rinbosari Sodiq Safoyev boshchiligidagi delegatsiya 2018-yil 18-mart kuni Rossiya prezidenti saylovida xalqaro kuzatuvchilar sifatida ishtirok etadi. Bu haqda Tashqi ishlar vazirligi matbuot xizmati xabar berdi.

O‘zbekiston delegatsiyasiga Oliy Majlis Senati a’zolari va Qonunchilik palatasining deputatlari, Jizzax va Toshkent viloyatlari hokimlarining o‘rinbosarlari kiradi.

Markaziy saylov komissiyasi raisi Mirzo Ulug‘bek Abdusalomov delegatsiyaning boshqa a’zolari bilan birga MDH va ShHT kuzatuvchilari missiyalari tarkibida saylovda ishtirok etadi.