O‘zbekiston va Ozarbayjon temir yo‘l sohasida hamkorlik qiladi

O‘zbekiston Oliy Majlisi Senati raisining birinchi o‘rinbosari Sodiq Safoyev rahbarligidagi delegatsiya 27-mart kuni “Ozarbayjon temir yo‘llari” YoAJ bilan muzokaralar o‘tkazdi, deb yozadi UzDaily.

“Ozarbayjon temir yo‘llari” raisi Javid Qurbonov O‘zbekiston delegatsiyasini mamlakat temir yo‘llar sohasidagi islohotlar, mamlakatning tranzit salohiyatini oshirish bo‘yicha ishlar va kelgusidagi rejalar bilan tanishtirdi.

Tomonlar “Ozarbayjon temir yo‘llari” YoAJ va “O‘zbekiston temir yo‘llari” AJ o‘rtasidagi ikki tomonlama hamkorlik masalalarini muhokama qildi.

Uchrashuv yakunlariga ko‘ra hamkorlikni kengaytirish haqida protokol imzolandi.