O‘zbekiston Senatida bo‘lgan uchrashuvda o‘zbek-turk siyosiy muloqotini kuchaytirish muhimligi ta’kidlandi

O‘zbekiston Oliy Majlisi Senati raisi birinchi o‘rinbosari Sodiq Safoyev 17-fevral kuni Turkiya elchisi Ahmet Shenni qabul qildi. Bu haqda Senat axborot xizmati xabar bermoqda.

Uchrashuvda ikki tomonlama aloqalarni rivojlantirish, savdo-iqtisodiy va investitsion hamkorlik, shuningdek O‘zbekiston va Turkiya o‘rtasidagi parlamentlararo hamkorlik masalalari yuzasidan fikr almashildi.

Shuningdek, tomonlar barcha darajadagi O‘zbekiston—Turkiya siyosiy muloqotini kuchaytirish muhim ahamiyatga ega ekanligini ta’kidladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!