Samarqandda AQShga ishga yuborishni va’da qilib, 10 ming dollarni o‘zlashtirib yuborgan ayol qo‘lga olindi

Samarqand shahrida xorijga jo‘natish bilan bog‘liq firibgarlik fosh etildi. Bu haqda IIV jamoatchilik va OAV bilan aloqalar boshqarmasi ma’lum qildi. 

2016-yil iyul oyida shaharning Navbog‘chiyon mahallasida yashovchi R.Qo‘ziyeva (ism-sharif shartli) Buxoro shahrida yashovchi S.Ergashevni Rossiyada joylashgan sayyohlik firmasi orqali AQShga ishlash uchun yuborishni va’da qiladi. 

Undan buning uchun 10 ming dollar olib, pullarni o‘z ehtiyoji uchun ishlatib yuboradi.

Mazkur holat yuzasidan R.Qo‘ziyeva qo‘lga olindi. Hozirda surishtiruv ishlari olib borilmoqda.