Misr o‘z Facebook’ini yaratadi

Misrda Facebook nihoyatda mashhur bo‘lib, undan mamlakatning 33 million fuqarosi foydalanadi. Shu munosabat bilan Misr o‘z ijtimoiy tarmog‘ini yaratish ustida o‘ylamoqda, deb xabar beradi EADaily.

Mamlakat telekommunikatsiya vaziri Yosir Elkadining fikricha, Misr “yaqinda o‘z Facebook’ini yaratadi”.

Ayni kunlarda hukumat mamlakat kiberxavfsizligini ta’minlash bo‘yicha qonun loyihasini tayyorladi. Ijtimoiy tarmoq yaratish masalasi ushbu hujjatda nazarda tutilgan.