Nogironligi bor shaxslarni qo‘llab-quvvatlash fondi ta’sis etildi

Vazirlar Mahkamasining 9-martdagi qarori bilan Sog‘liqni saqlash vazirligi qoshida Nogironligi bor shaxslarni qo‘llab-quvvatlash fondi ta’sis etildi. Bu haqda “Gazeta.uz” xabar bermoqda.

Fond faoliyati nogironlarga yordam ko‘rsatish, ularga tibbiy va ijtimoiy yordam ko‘rsatish, texnik reabilitatsiya vositalari hamda protez-ortopediya predmetlari ishlab chiqarishni modernizatsiya qilishni qo‘llab-quvvatlashga qaratiladi.

Fond mablag‘larining maqsadli sarflanishini fond kengashi nazorat qiladi. Uning tarkibiga nogironligi bor shaxslar huquqlari va manfaatlarini himoya qiluvchi jamoat birlashmalari vakillari kiradi.

2017-yil dekabr holatiga ko‘ra, O‘zbekistonda 600 mingdan ortiq nogironligi bor shaxs istiqomat qiladi.