Putinning sinfdoshi: Undan uyga vazifani ko‘chirib olishni so‘raganimda u rad etgan

Rossiya prezidenti Vladimir Putinning sinfdoshi Shvetsiyaning Expressen nashri jurnalisti bilan xotiralarini bo‘lishdi, deb yozadi KNews.

64 yoshli Svetlana Potapchuk u nemis tilidan uyga vazifani ko‘chirib olishni so‘raganda, “Putya” qanday qilib qat’iy “yo‘q” deganini hamon eslaydi.

“Volodya hayotda nima istashini yaxshi bilardi, — xotirlaydi Svetlana. — U yettinchi sinfda ayg‘oqchilar haqidagi ‘Qilich va qalqon’ filmini ko‘rgan. U razvedka ofitseri bo‘lishni istardi. Aynan shuning uchun bizning maktabimizga o‘qishga kirishga qaror qilgan. Unga tillarni bilish va kimyoni tushunish yaxshi ekanligini aytishgan. Bu yangi yadro quroli yaratilayotgan davr edi”.

“50 yil o‘tganligiga qaramasdan, hamon yodimda. Undan uyga vazifani ko‘chirib olishni so‘radim, ammo u ‘yo‘q’ deb javob berdi. U o‘sha paytlardayoq qat’iy edi”, — deydi Svetlana.

Biroq u bu voqea uchun xafa bo‘lib yurmaydi. 18-mart kuni sobiq sinfdoshi uchun ovoz beradi.