Pastdarg‘omda Prezident raisligida yig‘ilish boshlandi. U tanqidiy ruhda o‘tmoqda

Pastdarg‘om tumanida Prezident Shavkat Mirziyoyev raisligida Samarqand viloyati faollari va poytaxtdan kelgan mutasaddi rahbarlar ishtirokida yig‘ilish boshlandi. Bu haqda Prezident matbuot xizmati xabar berdi.

“Davlatimiz rahbari salohiyati cheksiz bo‘lgan bu viloyatdagi mavjud imkoniyatlardan yetarli darajada foydalanilmayotganini qayd etdi”, — deyiladi rasmiy axborotda.

2017-yilda yalpi hududiy mahsulot atigi 2,5 foizga o‘sgan. Bu respublika ko‘rsatkichidan 2 barobar kamdir. Viloyatdagi iqtisodiy ahvol ijtimoiy holatga salbiy ta’sir qilmoqda.