Qashqadaryoda Cobalt avtobus bekatiga borib urildi. Haydovchi va ikki yo‘lovchi halok bo‘ldi

Qashqadaryo viloyatining Kasbi tumanida 16-mart kuni ro‘y bergan YTHda 3 kishi halok bo‘ldi. Bu haqda IIV jamoatchilik va OAV bilan aloqalar boshqarmasi ma’lum qildi.

Shu kuni soat 15:00 atrofida Maymanoq qishlog‘ida yashagan, 1995-yilda tug‘ilgan B. Xo‘jaqulov Cobalt rusumli avtomobilini “Kasbi—Muborak—Qarliq” 4R-232 yo‘lining 13-kilometrida haydab ketayotib, boshqaruvni uddalay olmadi.

Mashina shu yerda joylashgan avtobus bekatiga borib urildi.

Hodisa oqibatida haydovchi B.Xo‘jaqulov, yo‘lovchilar A. Elmurodov va Sh Po‘latov jarohat olib, voqea joyida hayotdan ko‘z yumdi.