Putin “yuz yoshigacha” prezident lavozimida o‘tirishdan bosh tortdi

O‘z saylovoldi shtabida o‘tkazilgan matbuot anjumanida Vladimir Putin Bloomberg agentligi jurnalistining 2030-yilgi prezident kampaniyasida ishtirok etish-etmasligi haqidagi savoliga javob berdi, deb yozadi “RBK”.

“Menga qarang, menimcha siz aytayotgan narsa biroz kulgili. Keling hisoblab ko‘ramiz, nima, men 100 yoshimgacha bu yerda o‘tiramanmi? Yo‘q”, — dedi Putin.

Eslatib o‘tamiz, Vladimir Putin Rossiya prezidenti saylovida rekord darajadagi natija bilan g‘alaba qozondi: uning uchun 52 milliondan ko‘proq saylovchi ovoz berdi (76,5 foizdan oshiq).