“Arzon narxdagi” Coca-Cola 22 ming dollarga tushdi

Samarqand viloyatining Kattaqo‘rg‘on shahrida yashovchi Z. Shamsiyev Toshkentga kelib, 22 ming dollarga chuv tushdi. Bu haqda IIV jamoatchilik va OAV bilan aloqalar boshqarmasi ma’lum qildi.

2017-yil 16-noyabr kuni Bektemir tumani, Suvsoz ko‘chasida yashovchi, 1975-yilda tug‘ilgan G‘. Mavlonov Talabalar shaharchasida joylashgan “Firdavs” kafesida Z. Shamsiyevga yangi yil bayramiga qadar Coca-Cola ichmligini arzon narxda olib berishini va’da qilib, 22 ming dollar oladi. Biroq u bergan va’dasini bajarmay, pullarni o‘z ehtiyoji yo‘lida ishlatib yubordi.

Ko‘rilgan choralar natijasida G‘. Mavlonov ushlandi. Hozirda surishtiruv ishlari olib borilmoqda.