Shavkat Mirziyoyevning Facebook’dagi sahifasida Navro‘z bayrami tadbiri to‘g‘ridan to‘g‘ri translyatsiya qilinmoqda

O‘zbekiston Prezidenti Shavkat Mirziyoyevning Facebook’dagi rasmiy sahifasida Navro‘z bayramining “O‘zekspomarkaz”da nishonlanayotgan tadbiri to‘g‘ridan to‘g‘ri translyatsiya qilinmoqda.

Avvalroq, mazkur tadbirda O‘zbekiston Prezidenti Shavkat Mirziyoyev, bosh vazir Abdulla Aripov hamda hukumat a’zolari ham ishtirok etayotgani haqida xabar berilgandi. Ko‘rgazmalar majmuasida har bir viloyat uchun alohida joy ajratilgan bo‘lib, tadbirda ishtirok etish uchun respublika faollari, davlat va jamoat tashkilotlari vakillari, talabalar taklif etilgan.

O‘zbekiston Prezidenti barchani kirib kelgan Navro‘z ayyomi bilan tabrikladi.

“Navro‘zni bejizga xalqimizning azaliy an’analiga xos — sayil tazrida o‘tkazmadik. Qishdan chiqqan xalqimiz mazkur bayramni katta xursandchilik bilan kutib olmoqda. Ko‘p millatli xalqimizga ko‘z tegmasin. Barchani bayram bilan tabriklayman”, — dedi Shavkat Mirziyoyev.