Video: Turkmaniston prezidenti qo‘shiq kuylab berdi

8-mart — Xalqaro xotin-qizlar bayrami kuni Turkmanistonda bo‘lib o‘tgan tadbirlardan birida ayollarga sovg‘a sifatida mamlakat prezidenti Gurbanguli Berdimuhamedov qo‘shiqlar kuylayotgani aks etgan videoyozuv namoyish etildi. Ushbu videorolik YouTube’ga joylandi.

U gitara chalib ijro etgan qo‘shiqlar orasida 80-yillarda mashhur bo‘lgan “Krug” guruhining “Qoraqum” qo‘shig‘i ham bor edi. Qandaydir sabablarga ko‘ra, ushbu bayram tadbiri videosi o‘n kundan keyingina televideniye orqali ko‘rsatildi.