OAV: bir qator Yevroittifoq mamlakatlari rossiyalik diplomatlarni chiqarib yuborish masalasini ko‘rib chiqmoqda

Yevropa ittifoqining ba’zi mamlakatlari razvedka boshqarmasi sobiq xodimi Sergey Skripalning zaharlanishi haqidagi ish tufayli, rossiyalik diplomatlarni chiqarib yuborish imkoniyatini muhokama qilmoqda, deb yozadi “Gazeta.ru”.

“RIA Novosti” o‘z manbalariga tayanib ma’lum qilishicha, Yevroittifoqning ba’zi mamlakatlari 23 nafar rossiyalik diplomatni chiqarib yuborgan Britaniyadan o‘rnak olmoqchi.

Avvalroq Buyuk Britaniya hukumati Yevropadagi ittifoqchilarini razvedka boshqarmasining sobiq polkovnigi Sergey Skripalning zaharlanishi tufayli rossiyalik diplomatlarni chiqarib yuborishga ko‘ndirishga urinayotgani xabar berilgan edi.