BBC News muxbirlari 10 kun davomida Qoraqalpog‘istonda bo‘ladi

BBC News telekanali muxbirlari 27-martdan 6-aprelgacha Qoraqalpog‘istonda ijodiy safarda bo‘lishi kutilmoqda. Bu haqda, Qoraqalpog‘iston axborot agentligiga asoslanib, O‘zA xabar berdi.

Xabar berishlaricha, Orol dengizi qirg‘og‘ida o‘rmonzorlarning qayta tiklanishi bo‘yicha ko‘rsatuv tayyorlash telekanal ijodkorlarining asosiy obyekti hisoblanadi.

10 kunlik safar davomida BBC News telekanali xodimlari global muammolardan biri sanalgan ob-havo haroratining keskin ko‘tarilishi va jahonda yuz berayotgan boshqa ekologik muammolarni aks ettiruvchi “Taking the Temperature” ko‘rsatuvi uchun maxsus reportaj tayyorlaydi.